In the ghetto

Hey jó men.... dí maður. Nú er ég búin að vera í gettóinu í 4 daga og ég mér líður eins og að ég sé frá allt annarri plánetu, eða þá að allir aðrir séu það. Fyrsta daginn minn hér fórum við Grjóni í Bónus og þar var furðulegt fólk. Annan daginn okkar hér fórum við líka í Bónus og þar var aftur furðulegt fólk, þó ekki sama fólkið. Þriðja daginn hélt ég mér innan dyra eða frá gettóinu og í dag fórum við í Nóatún þar sem var einnig furðulegt fólk, fórum svo í sund þar sem var enn furðulegra fólk og að lokum fórum við í Netto sem er náttúrulega norðlensk búð og þar lét furðulega fólkið ekki sjá sig, það var í Apótekaranum.

Sumarið er tíminn

Trefilli finnst mér sumarið skemmtilegur tími, allavega þegar það er gott veður eins og er búið að vera í dag og jafnvel aðeins í gær. Fór í vinnuna í dag kl.8.30 og var búin um 13 og fór þá heim, á heimili nr. 2, og sat úti í sólinni í góðan tíma. Síðan kíkti ég í strandblak upp úr kl. 16 fór rétt heim að borða og mætti svo aftur eftir matinn. Það er nefnilega mót á laugardaginn í Fagralundi í Kópavogi ( því að víhíhíhíhí komum bæði frá Kópavogi). Maður verður nú að æfa e-ð aðeins meira en maður gerði fyrir mótið sem var í fyrra. Sjáum svo til hvort það borgi sig e-ð, ekkert víst að maður verði neitt betri við það.

Fríið búið og vinnan tekin við

Þá er ég komin í borgina og alvaran tekin við. Ég er byrjuð að vinna og er eiginlega að vinna á þremur stöðum. Ég er að vinna að nýsköpunarsjóðsverkefninu, svo er ég að vinna á fjölskylduheimili og á unglingaheimili. Það verður því mikið flakk á manni fram og til baka á milli vinnustaða og heimila í sumar.

Ég hafði það alveg æðislega gott á Akureyrinni og það má eiginlega segja að ég sé búin að taka út allt sumarfríið. Fyrst var það vika, svo 2 vikur úti og vika frí þegar ég kom heim. Bara ljúft að vera svona í fríi. Það var ýmislegt brallað í síðustu vikunni í fríinu. Ég, Grjóni og Hákon frændi kíktum í sveitina á sjóstöng og aldeilis sem gellan veiddi. Kíktum líka aðeins á skytterí þar sem ég fékk fallegan marblett á öxlina eða eiginlega hendina eftir að hafa skotið úr byssunni. Ég kíkti á eina beach volley æfingu og fékk þvílíka strengi sem ég reyndi svo að hrissta úr mér með því að fara út á lífið. Það var nefnilega 5 ára stúdentsafmæli MA. Maður þekkir allt liðið þar sem ég var þarna í 2 ár og endalaust gaman að hitta þessa krakka aftur. Ótrúlegt að það séu liðin 5 ára síðan maður kláraði framhaldsskóla og að það séu 5 ár síðan maður hitti flesta. Djammið byrjaði á Amor á miðvikudeginum og svo var Höllinn á fimmtudeginum og svo hafði ég ekki úthald í meira en kíkti þó í bæðinn um miðnætti á föstudeginum.

Fyrstu helgina í júlí er svo djamm í Húsafelli og ég hvet alla til að mæta það var nefnilega helv... gaman í fyrra!!!