Velkomin í stuðið

Gat ekki sagt nafnið mitt þegar ég var lítil og kaus því að kalla mig Bakkabakki

fimmtudagur, september 15, 2005

Allt á fullt

Nú fer að styttast óhugnalega mikið í skil á verkefninu okkar. Ég er að rembast við að gera skýrlsuna meðan Óli teiknar upp hlutina í tölvu. Við fengum glænýja hugmynd um hvernig við ætlum að hafa verkefnið okkar og sú hugmynd kom upp á mánudaginn. Þannig að nú er allt komið á fullt og stefnan er að klára þetta fyrir 23. sept. Já já... vinnur maður ekki alltaf best undir pressu??
Á laugardaginn á að skíra snúðinn hans Sigga bró og helgina eftir verður Júlli skírður.

24. sept ætlum við Kata að bjóða til afmælisveislu þar sem mikil gleði mun ríkja í Brekkugötunni þar sem þær Harpa eru að leigja. Þér er boðið að mæta og gleðajast með okkur. Stórafmæli hjá okkur! Kata fer að slefa í áfengiskaupaaldur og það eru ekki nema 42 ár í að ég gerist ellilífeyrisþegi.

mánudagur, september 12, 2005

Skemmtileg og fín helgi

Ég átti náttúrulega afmæli á föstudaginn. Við Grjóni fórum í Hveró að sækja fullt af dóti í búið sem við áttum þar til að koma fyrir í íbúðinni, kíktum í IKEA og Rúmfó til að kaupa það helsta sem vantaði til að geta haldið smá teiti. Síðan vorum við boðin í mat til Heiðu frænku hans. Við vorum búin að bjóða til veislu um kvöldið kl.21 en þá vorum við að kyngja síðasta svínakjötsbitanum. Áttum svo eftir að fara á Ásvallagötuna og sækja stóla, borð, græjur, ljós ofl. Þegar við komum svo á Reynimelinn sáum við fyrstu gestina fyrir utan Lóu og Jóhann sem voru búin að hringja og segast vera komin, úpps og við ekki heima.... Síðan hófst svaka partý sem var reyndar frekar rólegt en gott engu að síður. Kynntumst nágrannanum okkar ansi vel þar sem hann bankaði hjá okkur því hann vantaði sígarettu. Því var reddað og svo bauð hann okkur að kíkja á sína íbúð til að sjá muninn og hann ætlar að gefa okkur ískápinn sinn. Príðilega frábær granni þar á bæ. Við kíktum svo niður í bæ á Hressó sem var nú alveg frekar hressandi en samt ekki til lengdar þar sem tónlistin var ekki upp á marga fiska.
Á laugardeginum voru e-r þunnir en það var kíkt í Kringluna til að hitta Hanne og Júlla sem voru í fullu fjöri. Síðan fórum við Grjóni í afmælisboð til Hauks þar sem Kristín var búin að baka fullt af góðum kökum. Kvöldið var svo rólegt videogláp og 3 klst í að taka flétturnar úr hárinu. Shit hvað það tók langan tíma en þó ekki eins langan tíma eins og það tók að setja þær í.
Sunnudagurinn var svo góður. Við kíktum í sund og svo komu tengdó í heimsókn og við kíktum með þeim út að borða. Geggjaður himininn í gær, sjaldan fundist borgin eins falleg.