Sálarkreppa

Ég er í þvílíkum vandræðum með að ákveða eitt og annað þessa dagana og hef líka mjög takmarkaðan tíma til að hugsa nema um e-ð sem tengist náminu. Ég er alveg á fullu í verkefnum alla daga og næstum allar nætur sem er frekar mikið þreytandi til lengdar. En öll él birta um síðir, ekki rétt?
Við erum aðeins farnar að pæla og plana útskriftarferðina okkar sem stefnt er á 22. maí-7.júní. Leiðin mun væntanlega liggja til Mexico n.t.t. Playa del Carmen sem er við Mexicoflóa. Mjög spennandi og hótelið sem við erum að hugsa um er með allt innifalið, fríir drykkir og hægt að borða eins mikið og maður getur í sig látið, das is etwas fur mich.... En svo eru sennilega smáþjóðleikarnir á svipuðum tíma eða í kringum mánaðarmótin maí-júní. Það verður farið til Andorra og stefnan er að senda bæði lið í strandblaki og innanhúss. En svona er þetta alltaf annað hvort allt eða ekkert í gangi.
Góða helgi!

Rúst og góðmennska

Uss... talandi um blak þá rústuðum við Fylki sem var bara frekar gaman þó leikirnir hefðu ekki verið mikið spennandi.
En talandi um e-ð annað þá var ég fyrir sunnan um helgina og skrapp auðvita aðeins í búðir. Þarf yfirleitt alltaf að kaupa mér e-ð og fæ alltaf æði fyrir e-u ákveðnu. Einu sinni voru það töskur og skór en núna eru það bolir og skór. Keypti mér ekki nema 4 stykki boli í Zöru en sleppti að mestu að kíkja á skó.
Á laugardagskvöldið kíktum við nokkrar aðeins út á lífið. Fórum á Celtic sem er að mínu mati einn af betri stöðum borgarinnar, hef þó ekki kíkt á marga. Eftir það ákváðum við Birna að fá okkur að borða kebab og inn kom þessi gamli fulli kall með sprungna augabrún, í öfugri lopapeysunni og með piss í buxunum. Birna er alltaf jafn almennileg, fór að spjalla við dúddann og spurði hvort hann væri ekki svangur því hún ætlaði sko að bjóða honum að borða. Gamli maðurinn röflaði e-ð sem við skyldum ekki og við drifum okkur út því ég held að Birna hefi verið orðin svolítið smeik við þann gamla.
Annars er bara klikkað að gera í skólanum og ég á mér varla líf. Hlakka til eftir 1/2 ár þá verður þetta allt búið!