Úff....

Þvílíkt sjokk sem allir íbúar Hveragerðis urðu fyrir í dag þegar kviknaði í húsi hjálparsveitarinnar. Ég keyrði Grjóna niður í hús þar sem hann var að fara að selja flugelda og þegar ég var að keyra til baka sá ég hvar hann kom hlaupandi á fleygiferð ásamt öðru fólki og skipaði mér að drífa mig í burtu með handapati. Á eftir öllu fólkinu sá ég svo flugeldar sprynga og ótrúlegt að enginn hafi orðið fyrir þeim. Síðan sá ég að húsið var allt í ljósum logum og mikinn reyk koma beint upp af þakinu. Tengdapabbi, Kittý mágkona og Lalli kærasti hennar ásamt öðru fólki voru öll að vinna og maður vissi ekki hvort allir hefðu komist út. Mjög óþægileg tilfinning en ég komst mjög fljótt að því að engan sakaði. Ég held að allir bæjarbúar hafi drifið sig á staðinn og þvílík kaos sem myndaðist. Stuttu seinna brunuðu svo sjúkra-, löggu- og slökkviliðsbílar á staðinn og allir unnu frábærlega.
Það stóð til að hætta við áramótaballið en svo var hætt við að hætta við. Spurning hvort maður drífi sig. Verst bara að þekkja ekki liðið nógu vel til að skella sér á lífið með því. Reyni bara að koma mér í bandið ;)

Borgin

Þá erum við komin í borgina aftur eftir æðislega dvöl á Akureyrinni, sú klikkar ekki. Fékk loksnins rjúpu á aðfangadag eftir 2 ára hlé, mikið var hún góð. Á jóladag og annan í jólum var jólaboð hjá ömmum mínum. Kíktum svo til Kötu um kvöldið á annan og á Sveitta þar sem við létum smella af okkur nokkrum myndum. 27. var svo bara rólegheit og 28. átti Sif frænka afmæli og þá tók við enn ein veislan. Mættum svo í borgina kvöldið 28.
Í gærmorgun fór ég í kaffi eða kakó til Lóu þar sem við hittumst stelpurnar og höfðum það huggulegt saman. Í dag var svo vinna og það var dálítið erfitt að rífa sig á lappir þar sem maður er búinn að snúa sólarhringnum aðeins.
Í kvöld er Grjóni að fara að spila á Sölvakvöldi í Hveró sem er árlegur viðburður þar í bæ. Ég er innilega að vonast til að ég komist en á ekki von á því þar sem við eigum að vera að vinna. Eigum reyndar líka að vera að vinna á gamlárs en krakkarnir verða ekki heima svo við getum notið áramótanna í Hveró. Grjóni og hljómsveit eru svo að spila lá Snúllabar í Hveró um áramótin þannig að þar verður fjörið.

Gleðilegt nýtt ár og takk fyrir það gamla!!!