Velkomin í stuðið

Gat ekki sagt nafnið mitt þegar ég var lítil og kaus því að kalla mig Bakkabakki

laugardagur, júní 26, 2004

Forsetakosningar

Ég fór og kaus í gær og það var sko dýrt... Ég þurfti að borga 400 kall fyrir atkvæðið. Fáranlegt að maður þurfi sjálfur að sjá til þess að senda atkvæðið norður. Ég var spurð um hver var sendandi og var að hugsa um að segja Óli og láta bara senda reikning á grísinn.
Lóa var svo elskuleg að bjóða mér í mat í kvöld og bauð upp á rauðvín sem hún vann í vinnunni. Það gengur svona lalala... erum búnar að vera 2 tíma með flöskuna.
Stefnan er svo tekinn í bæinn á e-ð tjútt.
Birna lögga og blakari með meiru er komin með blogg, linkur til hliðar.

fimmtudagur, júní 24, 2004

Djamm djamm djamm

Við stelpurnar í bekknum erum að fara að hittast í kvöld eða þær sem eru staddar í borginni. Við ætlum að grilla og svo ætla ég að plata stelpurnar til að fá sér nokkra kalda með mér. Þess þarf alltaf þegar menn eru að grilla.
Svo er ég alveg til í djamm á fös ef e-r hefur áhuga. Hafið samband. Vá! fólk gæti farið að halda að ég væri e-r svaka bytta! Það er svona þegar maður er að vinna aðra hverja helgi þá langar mann til að njóta helgarinnar þegar maður á frí. Svo er ég og Lóa að reyna að skipuleggja djamm á laugardagskvöld. Kemur í ljós hvernig það fer.

miðvikudagur, júní 23, 2004

Veislur

Mér líður alveg eins og það sé mánudagur sem er gott því á morgun er fimmtudagur sem ég vinn og er svo komin í 3ja daga helgarfrí. Kom heim úr ferðalaginu í gær sem gekk alveg þrusuvel. Við kíktum á Hvanneyri á búvélasafnið, kertasmiðjuna og ullarsetrið. Fórum svo í Reykholt og skoðuðum Snorrastofu og þaðan á Hótel Birföst. Í gær kíktum við á Akranes og skoðuðum steinasafnið og allt safnasvæðið þar. Mæli sko með því öllu, það var ótrúlega margt flott og spennandi þar.
Er svo að fara í 2 útskriftir á laugardaginn. Fjóla vinkona er að útskrifast úr snyrtiskólanum, hún lærir sko líka nudd, og svo er Erla, kærasta Begga sem er besti vinur Grjóna, að verða klippari. Vona að það verði góður matur í seinni veislunni og ég myndi ekki kvarta ef það yrði e-ð áfengi þar. Mér finnst nefnilega ekkert voðalega gaman að fara í veislur ef menn bjóða ekki upp á e-ð almennilegt að borða og drekka. Þá vitið þið það, ef þið ætlið að bjóða mér í veislu þá skulið þið hafa e-ð gott......