Rútína

Þá er komin helgi enn og aftur en það er samt ekki frí. Það eru æfingar alla helgina og alveg fram að móti. Ég sé ekki fram á að fá frí fyrr en um miðjan júní. Ætlum að taka baðið í gegn þegar við flytjum inn, mála og svo finnum við pottþétt e-ð meira til að gera, er það ekki alltaf svoleiðis.
Annars er nú bara minnst lítið í fréttum hjá mér, sama rútínan dag eftir dag. Vakna, borða, fer að vinna, kem heim, borða, legg mig, æfing, borða, sofa. Helgarnar eru aðeins öðruvísi, þá eru fleiri æfingar, já ég veit ég á mér ekkert líf í augnablikinu...

Góða helgi!

Tilhlökkun

Ég er farin að hlakka svo mikið til að flytja í íbúðina okkar, ekki nema 3 vikur þangað til!!
Svo þegar veðrið er svona geggjað þá hlakka ég líka til að komast í íbúðina okkar og sitja úti á svölum með einn kaldann og grilla. Kom sér vel að hafa unnið grill í strandblakinu síðasta sumar.

Það styttist óðum í Evrópumót smáþjóða sem verður í Digranesi 19-21. maí og auðvita er ég farin að hlakka til að taka þátt í því. Þannig að framundan eru æfingar næstu daga fram að móti og því e-ð minna um sundferðir í veðursælunni. Ætla að henda mér í laugina á eftir þar sem það er frí í dag.