Blómastrandi dagar

Þá er ég mætt í veraHvergið á blómastrandi daga. Það liggur við að ég hafi aldei séð svona mikið líf hér í bæ. Það voru ýmis bönd að spila á útitónleikum og þar á meðal Hitakútur. Síðan voru markaðir þar sem ég gerði mjög góð kaup. Ég keypti 1000 kubba púsl á 200 kall sem er ekki neitt, bara klink. Í kvöld er svo flugeldasýning og brekkusönginn þannig að það verður nóg að gera.

Gleymdi að segja frá því síðast að á menningarnótt þegar við vorum að fara að horfa á flugeldasýninguna þurfti Elsa mjög mikið að pissa. Við vorum komin niður að höfn hjá Faxa húsinu (hvítt og blátt hús sem hægt er að labba upp á þak til að sjá vel yfir höfnina). Við ákvaðum að reyna að finna stað sem hún gæti skvett úr skvísunni og sáum port á höfninni sem var tómt og dimmt. Drifum okkur inn og þegar Elsa var að fara að taka sér stöðu spyr hún hvort þetta sé óhætt og við litum í kringum okkur og enginn sjáanlegur. Þegar stelpan var að fara að girða niður um sig var henni litið upp og ég heyrði hana svo öskra NEI...Karen!!!..... og svo heyrði ég bara fullt af fólki emja úr hlátri þá var fólkið sem hafði labbað upp Faxahúsið staðsett beint fyrir ofan portið og fylgdist vel með því sem fór fram í portinu. Þannig að Elsa greyið varð bara að halda aðeins lengur í sér.

Allt mögulegt

Ég hefði verið löngu búin að monta mig ef við hefðum unnið strandblakið síðustu helgi. Við Gása vorum að spila og áttum alveg helv.... góða spretti á köflum en það gekk ekki til. Við spiluðum til úrslita við Heiðu og Þóreyju sem voru bara einfaldlega betri en við og áttu skilið að vinna. Við Gása vorum að spila okkar 5 leik þegar við fórum í úrslitaleikinn en þær bara sinn 3, spurning hvort það hafi ekki haft sitt að segja ;)

Annars var menningarnótt alveg frábær. Bauð sambýlisskonunum og Ólunum þeirra heim og svo var kíkt á flugeldasýninguna.

Ég fór að sækja tengdó út á Keflavíkurflugvöll um daginn og var ekkert að taka með mér pening né kort þar sem ég var ekki að fara að eyða neinum pening. Ég lenti í þvílíku brasi þegar ég ætlaði að finna bílastæði því það kostar orðið að leggja þarna líka þegar maður er að sækja fólk. Greinilega ekki oft sem ég sæki e-n á völlinn.

Skora á alla að kíkja á blómstrandi daga í Hveragerði um helgina!!!