Byrjar puðið

Ég sé ekki fram á rólega og notalega helgi. Það eru nefnilega landsliðsæfingar alla helgina og miðað við hvernig þetta var fyrir Nígeríu ferðina er ég strax farin að kvíða fyrir. Ég labbaði eins og halta hóran á barnum á hótelinu í Nígeríu. Það er æfing í kvöld og tvær á laugardag og sunnudag. Það er nefnilega mót, EM-smáþjóða, 19.-21. maí og stefnt á að hafa góðan undirbúning fyrir mótið. Lítur út fyrir að blaksambandið ætli að leggja metnað í þetta landsliðsverkefni.
Næstu helgi er ég svo að fara norður að keppa við mitt gamla félag KA. Það verður sennilega e-ð skrítið að keppa í KA-heimilinu á móti KA. Veit ekki hvernig verður með pabba hvort hann þori að kíkja, hann mun sennilega ekkert vita hvernig hann eigi að haga sér.

Frábær helgi

Við brunuðum norður eftir vinnu og náðum seinni hálfleik í handboltanum. Drifum okkur svo til Hanne og co og horfðum á Idolið. Flottur Sævar og mikill vinur okkar Grjóna. Á laugardagsmorgun fórum við Hanne svo á skíði í 11 stiga hita, roki og rigningu. Alveg ekta skíðaveður (eða þannig ) og harðfenni og blautt færi til skiptis. Greinilegt að ég hafði engu gleymt á skíðunum nema það tók ansi langan tíma að komast í klossana og rifja upp hvernig maður fer í skíðin. Komst líka að því að skíðin mín sem eru 10 ára gömul eru ekki lengur í tísku, komin önnur og flottari lögun á skíðin í dag og þau eru ekki eins skær og í gamla daga. Ég var svo huguð og dreif mig líka upp í strítu þar sem beið mín haglél að það stór sá á andlitinu á mér. Eftir skíðin kíkti ég svo í sveitina á ömmu. Við Grjóni fórum á Fullkomið brúðkaup sem var bara snilld, ég veltist um af hlátri alla sýninguna. Mæli með þessu stikki. Eftir Brúðkaupið var svo veislan sem var mjög skemmtileg, fullt af góðum skemmtiatriðum og svo flæddi matur og bjór um öll borð. Við kíktum svo á Sveitta (komnar inn myndir), ég Grjóni, Binni, pabbi og mamma. Gömlu voru ekki alveg að fíla þetta en þegar pabbi náði að útiloka músíkina skemmti hann sér vel. Flottur pabbi !!! Kata var að vinna og svo kom Harpa, gaman að sjá stúlkurnar. Kata datt í gólfið eftir högg frá Binna. Maður reyndi að pissa á bílin hjá mömmu og pabba en fékk aldeilis ekki blíðar kveðjurnar frá okkur. Allavega skemmtilegt kvöld sem átti að enda í eftirpartýi en ég gugnaði á því þar sem við vorum að fara að keyra norður daginn eftir. Var líka fegin að hafa sleppt því þegar ég sá hvað Binni var þunnur.