Ljósmyndafyrirsæta

Flottur Hebbi, enginn flottari.
Við Grjóni fórum í gær í ísbúðina til hans og keyptum okkur risabragðaref. Kallinn grobbinn með ísinn sinn og bað mig um að láta alla vita að ég hefði fengið stærsta, ódýrasta og besta ísinn ever. Þar hafið þið það og þú líka Hebbi, skilaboðin komin áleiðis. Við Grjóni settumst svo út til að borða ísinn enda sól og blíða. Haldiði ekki að Hebbi hafi ekki bara komið út til okkar með digital vélina sína og spurt hvort hann mætti taka mynd af okkur. Uss.... maður bara orðinn fyrirsæta. Myndina ætlar hann svo að hengja upp á vegg í búðinni sinni. Aldrei að vita nema við fáum atvinnutilboð um að auglýsa ís í kjölfarið.

Summer in the city

Ég er byrjuð á fullu að vinna á sambýlinu og líkar það mjög vel. Ég er að fara á námskeið bráðlega til að læra að ganga með blindum og er farin að hlakka mikið til. Það eru bara snillingar sem búa á þessu sambýli og alveg ótrúleg. Fékk hjólið mitt sent suður í dag svo ég get verið dugleg að hjóla í sumar og óska í leiðinni eftir línuskautafélaga. Vona bara að þetta verði ekki mikið rigningarsumar, en hvaða sumar er það ekki í þessari blessaðri borg??
Vona að það verði gott veður til að sprikla í strandblaki í Nautholtsvíkinni og í hakkisakk.

Rauða mappan

Jæja nú kemur slúðrið Hanne sem þú ert búin að bíða spennt eftir.
Ég byrjaði föstudaginn á að láta tappa af mér um hálfum lítra af blóði svo ég ætti auðveldara með að finna fyrir áhrifum um kvöldið. Þetta trikk virkar alltaf, minna blóð meiri áhrif.... Skora á ykkur að prófa þetta. Þegar ég var orðin svöng og þyrst, eftir tiltekt og hringl, fór ég ásamt Kötu, Birnu og Hörpu í Kjarna til að fá mér/okkur að borða og drekka. Nóg var að bjórnum og við nýttum okkur það svo sannarlega. Við skulum ekkert hafa hátt um það hvað við redduðum okkur mikið af bjór en það var allavega nóg fyrir okkur til að verða vel nettar. Eftir Kjarna fórum við í teiti til Birnu og elduðum okkur pylsur upp úr bjór sem var bara gott. Nóg var til af bjór svo hálfur bjór í pylsupottinn var ekkert til að væla út af. Eftir mikla drykkju og mikið trúnó lá leiðin niður í bæ á sveitta Kaffi Ak. Að vísu fékk ég bónorð e-s staðar þarna í millitíðinni frá e-m manni sem var að bíða í röð eftir miða á tónleika.
Ég mætti á sveitta með rauða möppu sem ég bjóst nú ekki við að myndi draga athygli allra sem voru á staðnum. Allt í einu var hópur fólks farinn að safnast í kringum mig til að sjá fyrir hvaða próf ég var að læra. En þegar menn sáu innihald möppunnar létti því mikið því innihaldið var allt annað en glósur.
Að loknu miklu bulli við fólk fór ég í Natten því Thelma ætlaði að fá sér burger en var ekki lengi þar inni því allt í einu brutust út hellings slagsmál og ég hljóp út þegar ég sá glerflöskur í loftinu og fékk far heim. Svaf í 3 tíma og dreif mig út á flugvöll og í flug alveg úldin úr þreytu.
Horfði á Júró með Sigga bró og co á Selfossi og var mjög ánægð með vinningslagið.
Er að fara að vinnna eftir klukkutíma... heyrumst síðar.