Leikir um helgina

Þá er komið að því að keppa við gamla félagið sitt KA. Það gæti orðið svolítið furðulegt að keppa á móti liðinu sem maður er búinn að spila með í 10 ár. En það mun koma í ljós í kvöld og á morgun. Fyrri leikurinn er í Digranesi kl.19.30 og seinni leikurinn í Salaskóla kl.14. Endilega komið og kíkið á leikina.

Hland í dollu

Unnum Þróttarana 3-2 í gær, hefðum nú að mínu mati alveg átt að vinna þær 3-0 en e-ð klikkaði hjá okkur. Eftir leikinn voru svo sendir 2 leikmenn úr hvoru liði í lyfjapróf, ég og Jóhanna frá HK og Lilja og Anna úr þrótti. Við vorum sendar inn í klefa með fullt af drykkjum frá Egils. Ég drakk 3 malt í gleri og líter af kristal á no time. Gat ekki drukkið meira þar sem ég var að sprynga, södd eftir allt maltið. Þar sem ég fór í lyfjapróf fyrir 2 árum vissi ég að þetta myndi taka langan tíma og að það borgaði sig að safna í böðruna því maður þarf að pissa 75 ml sem er nú slatti fyrir ekki stærri blöðru en mína. En ég náði að bæta tímann frá því síðast sem voru ca 2 tímar en í gær tók þetta ekki nema 50 mín, þökk sé öllu maltinu. Í dag lít ég vel út, er með hraustlegt útlit og bætta meltingu ; )

Menning

Þvílíka stuðið sem var á Snúlla á laugardaginn. Þar var allt eldra fólkið blindfullt meðan unga fólkið skemmti sér konunglega. Alltaf verið að tuða um það að þetta unga fólk í dag kunni ekki að skemmta sér drekki of mikið og valdi vandræðum. Þið hefðuð þá átt að sjá þetta eldra fólk sem veltst um á dansgólfinu. Stígvélin sem ég keypti mér komu sér vel á dansgólfinu, enda támjó svo ef e-r ellismellur var fyrir fauk eitt hökk í afturendann og hann sást ekki meira það kvöldið ; )
Á sunnudeginum var okkur Grjóna boðið í leikhús á Íslenska dansflokkinn. Þílíkt flott og fjölbreytt sýning hjá þeim og liprir dansarar, heyrðist varla í þeim. Við erum að verða svo menningarleg, erum búin að fara í leikhús tvær helgar í röð ég veit bara ekki hvar þetta endar.

Ætla að minna á HK-Þróttur RVK á morgun kl.20.30 í Salaskóla. Endilega kíkið á okkur!!