Ekki heimilislaus

Ég hef aldrei átt eins mörg heimili eins og þessa dagana en þau eru ekki nema 6 talsins. Eitt á Akureyri, eitt í Hveró og fjögur í Reykjavík. Þetta er mjög furðulegt og ég veit ekki alveg hvernig áhrif þetta mun hafa á mig í framtíðinni. Spurning hvort það er hægt að skaddast e-ð meira, hlaut nú frekar alvarlegt höfuðhögg á fimmtudaginn var. Í dag vakanaði ég t.d. á einu heimilinu, borðaði kvöldmat á öðru og sef svo á því þriðja.

Klukkuð

Jú jú mikið rétt þá er búið að klukka mína tvisvar svo best að henda e-u inn. Ætli þetta þýði að ég verði að hafa tíu atriði?
- Ég hata ketti
- Grænn er uppáhalds liturinn minn, allavega í fötum
- Ég bý í borginni
- Ég er iðjuþjálfi og vinn á Kleppi
- Mér finnst gaman að borða
- Ég er blakari
- Mér finnst gaman að elda góðan mat
- Ég á tvö stykki eðlur
- Ég á einn kærasta
- Það er gott að sofa
Þá held ég að þið hafið haft mikið gaman af þessu og ég hugsa að ég verði ekki klukkuð aftur :)

Skírn og afmæli

Við skelltum nöglum undir dekkin á föstudaginn og brunuðum norður eða reyndar var ekki mikið brunað þar sem snjór og leiðinlegt veður tafði okkur aðeins. Það var líka allt í lagi þar sem ferðin var hin skemmtilegasta. Á laugardaginn var Júlli skírður Sævar Eðvald og erum við allar að reyna að venja okkur að segja Sævar en ekki Júlli, gengur misvel þó. Eftir geggjaðar kræsingar í veislunni fórum við Grjóni og Kata á íshokkýleik með einn kaldann í annarri. Síðan var ferðinni haldið í Brekkugötuna til að undirbúa teitið með selló og fíneríi að hætti okkar Kötu. Gestirnir létu svo sjá sig hver á fætur öðrum og skapaðist skemmtilegur stemmari. Sjaldan sem maður var með tóma hendi, yfirleitt einn kaldur í henni og myndavélin gjarnan í hinni. Í teitinu opinberaði ég listamannsnafnið mitt, Karen Krían, og lógóið. Ég er samt jafnvel bara að hugsa um að nota Krían allavega á öll málverkin og ljóðin. Síðan röltum við niður í bæ þar sem enginn tímdi að splæsa í taxi og kíktum inn á Amor þar sem músik dauðans var allavega var ég ekki að fíla hana. Eftir lokun var haldið í smá eftirteiti en svo var labbað heim í snjókomu. Ég vaknaði svo eldsnemma á sunnudagsmorgninum og síðan var brunað suður um kaffileitið þar sem heilsa manna var misgóð....
Í dag var fyrsti dagurinn minn á Kleppi og ég hugsa að þetta verði nú bara nokkuð mikið stuð.