Slappleiki, hor og naflaskoðun

Eitt af því leiðinlegasta sem ég veit er að vera lasin, reyni bara að verða það einu sinni á ári og yfirleitt á þessum tíma. Er t.d. núna með mikið hor og er að verða búin að fylla heila wc-rúllu af hori. Þessu mikla hori fylgir mikill slappleiki, þreyta og bæði lyktar- og bragðskynið hverfur, vona bara að ég fái ekki hita með þessu.

Um daginn var mér litið á naflann minn og sá að hann var að taka miklum breytingum, hann er farinn að standa út, pínu skondið og það er hægt að spila á hann nema það kemur bara ekkert hljóð.

Fórum til ljósunnar í síðustu viku og allt leit vel út. Þegar ljósan var að leyfa okkur að heyra hjartsláttinn fékk hún spörkin á móti sér, krílið okkar aðeins að hrekkja hana ;) Það er duglegt að láta vita af sér og alveg frábært að sjá bylgjurnar sem myndast á bumbunni þegar það hreyfir sig.