Eitt og annað

Ég er búin að vera voðalega ódugleg við að blogga. Enda kannski ekkert mikið spennandi að blogga um nema þá litla krílið í bumbunni ;) Fáið fréttir af því í lok næstu viku.

Við í vinnunni fórum út að borða í gær á Caruso þar sem ég fékk alveg geggjaðan mat.
Fór á blakleik HK-KA bæði í gær og í dag. Það var nú pínu furðulegt að vera að hvetja stelpurnar af áhorfendabekknum en mér fannst ekkert skrítið að vera ekki að spila þar sem ég vissi í upphafi vetrarins að ég yrði ekkert með nema þá í fyrsta leik. Það kom góð kona til mín í gær á leiknum og sagðist hafa séð að ég væri ólétt í TV-leiknum á móti Þrótti RVK, góð augu sem sú kona hefur, enda ljósmóðir...

Er alveg að fara að komast í jólaskap, bjó til nokkur jólakort í vinnunni á fös og svo er mig mikið farið að langa til að kaupa jóladót og fara að skreyta heima, allavega setja upp seríur. Svo fer að koma tími til að baka jólakökur og gera laufabrauð.