Þá er enn einn mánudagurinn kominn og enn önnur helgin búin.
Fór fljúgandi suður á föstudagskvöldið þar sem vélin hossaðist pínu mikið rétt áður en við vorum að lenda en Baldur pabbi Birnu sá til þess að við lentum mjúklega á Reykjarvíkurvelli. Síðan var brunað í hvelli á Hótel Cabin þar sem við ætluðum ekki að gista en keyptum okkur eina nótt.
Ekki laust við að það hafi verið spenna í KA liðinu þegar við mættum allar saman og þjálfarinn okkar (er hann það?) fór yfir ýmis atriði með okkur. Daginn eftir var svo enn meiri undirbúningur fyrir leikinn og enn meiri spenna í loftinu, allar tilbúnar til að vinna og viljann vantaði alls ekki.
Við mættum svo klárar til leiks og byrjuðum mun betur en þróttararnir. Unnum fyrstu hrinuna örugglega en þróttur náði fyrir heppni að vinna aðra hrinu 26-24. Unnum einnig þriðju hrinuna en í fjórðu hrinu (15-15) snéri Birna sig mjög illa á ökkla og sleit e-r bönd og þurfti því að bera hana út af og í bíl á Borgó. Það var mikið áfall að missa lykilmanninn okkar út af og við náðum okkur ekki almennilega á strik eftir það en reyndum hvað við gátum til að vinna hrinuna. það tókst næstum því en eins og í 2 hrinu náði þróttur að vinna fyrir heppni 26-24. Oddahrinan var okkur alveg ómöguleg og við vorum meira að hugsa um hvernig Birnu liði heldur en að fá dolluna norður. En eins og góður maður sagði við mig sem er róttgróinn blakari og þróttari til margra ára "þið voruð bara óheppnar að vinna ekki." Það er allt (alltaf sagt mikið) til í því sem hann sagði, við vorum með miklu betra lið og við unnum þær stigalega séð en það er víst ekki nóg. Það var ein stelpa í þróttaraliðinu sem sagði við Svetu "Það er þjálfaranum að þakka að við unnum". Hvernig væri nú að hafa trúa á sjálfum sér og því sem maður er að gera? Hvað ætli hún hafi verið að meina??
Ég fór á Snúlla bar í Hveró á laugardaginn þar sem Grjóni og félagi hans voru að spila, mjög gaman og hitti fullt af fólki sem ég þekkti ekki neitt og fáa sem ég þekki. Magnús Þór er bara snillingur, hann samdi t.d. lagið Ást og Ísland er land þitt. Við vorum nokkur að spjalla við hann og hann hafði bara gaman að því. Maður getur hitt fræga fólkið í Hveró svo ekki hika við að mæta þangað. Svo er aldrei að vita nema maður komist í eftirpartý sem getur staðið langt fram á morgunn.