Bingó í Vinabæ

Við Grjóni kíktum á bingó í Vinabæ um daginn. Ákvaðum að gera okkur glaðan dag sem varð reyndar hér um bil að martröð. Bingóið byrjaði kl.20.30 og við mættum á staðinn eins og algjörir aular. Greinilegt að þetta var ekki eins og bingóið í Lóni hér forðum daga. Þetta var peningabingó þar sem spilaðar eru 12 umferðir. Við hermdum bara eftir fólkinu sem var á undan okkur í röðinni og keyptum allar umferðirnar. Svo byrjaði fjörið, kona sem las upp tölurnar sem birtust svo á sjónvarpsskjá þannig að það var lítil þögn í salnum, allir að tala saman og ég að fá upplýsingar hjá sessunaut okkar um hvernig þetta allt saman virkaði. Síðan var hrópað bingó og þá kom kona á harðahlaupum með hljóðnema og las upp númerið á spjaldinu þar sem var bingó og það staðfest á skjánum. Allt saman mjög sérstakt svo ég tala nú ekki um fólkið á bingóinu, flest allt eldra fólk sem hafði gríðarlegt úthald. Engin pása og bingóinu lauk ekki fyrr en 23.30. Þannig að við vorum 4 tíma í bingói eða hálfan vinnudag miðað við 8 tíma vinnudag. Mæli samt með þessu, en kannski bara að spila 6 umferðir það er alveg nóg.